طريقة عمل الدجاج بالزيتون

المقادير:
دجاجة كاملة، زيتون أخضر تقريبا زبدية صغيرة، بهاارات ( زعفران كمون بهارات زنجبيل فلفل ) و الكمية قد ما بدك ، ملح، كاسة شاي زيت ذرة، بصلتين مبشورتين.

طريقة الاعداد:
اول شي بنحضر الدجاجة بعد ما نغسلها ننقعها بالخل و الملح و الماء شي نص ساعة، بعدين نغسلها و نحطها بالطنجرة و منحط فوقها ملح و كل البهارات يلي ذكرتها و الزيت و البصلتين المبشورتين بدعكهم بالدجاجة كتير منيح من جوا و من برا، و بعدين بحطها على النار تكون وسط و بصير بقلبها منشان تتقلى شوي و بس يصفر لونها شوي بضيف ماء بارد ، طبعا ما بغمرها كتير و بعدين بتركها تغلي و بسكر الطنجرة بعد ما تستوي بحط الدجاجة بصينية الفرن بدون المرقة، و بحط الدجاجة بالفرن على شان نحمرها، و بهذه الاثناء بضيف الزيتون على المرقة المتبقية و بتركهم لحتة يعقدوا شوي و بعدين بحط الدجاجة المحمرة بجاط كبير او طاجبين كبير و بضيف شوية مرقة فوقها مع الزيتون....